150 mijë raste në Shqipëri, mjekja tregon moshat e prekura nga diabeti

Në 14 nëntor, në Ditën Botërore të Diabetit të gjitha komunitetet mjekësore dhe shoqatat e diabetit bashkohen në një zë të fuqishëm për të parandaluar diabetin, një sëmundje që sa vjen e po kthehet në një shqetësim akoma më të madh edhe për moshat e reja.

Adela Haxhiraj, endokrinologe tha në emisionin “Goodmorning Albanians” në Euronews Albania se në Shqipëri janë rreth 150 mijë raste të diagnostikuara me diabet, kryesisht të tipit 2.

Ajo shpjegoi se sikundër po ndodh në botë, edhe në Shqipëri ka një prirje për shtim të numrit të të sëmurëve me diabet, ndërsa theksoi se një pjesë e atyre që diagnostikohen nuk e dinë fare që janë të prekur.

“Edhe në Shqipëri është tendencë në rritje dhe një pjesë as nuk e dinë që janë të prekur. 90 përqind janë diabet i tipit 2 që është i moshës adulte, shfaqet kryesisht pas moshës 30-vjeçare. Në përgjithësi preket grupmosha 40-65 vjeçare, po me rritjen e moshës kemi rritje të incidencës”, tha mjekja.

LEXONI GJITHASHTU:

• Mjeku: Mos përdorni ilaçet e diabetit për t’u dobësuar, dëme të shumta
• Verbimi nga diabeti, të rinjtë shkojnë te specialisti pasi u dëmtohen sytë