Ballkani sfidon Dinamo Zagreb, në kërkim të fitores, luhen ndeshjet e dyta në grup

64 skuadra zbresin në fushë në dy kompeticionet e radhës evropiane, teksa parashikohen disa përballje interesante. Në Ligën e Konferencës luan Ballkani në ndeshjen e dytë në fazën e grupeve, teksa pret në shtëpi Dinamon e Zagrebit, me kroatët të cilët e nisën rrugëtimin e këtij sezoni me një fitore të madhe.

Tek skuadra nga Suhareka, atmosfera është pozitive në kampionat, ndërsa Emërllahu është mungesa e vetme. Ndeshja tjetër e grupit C është ajo mes Astanës dhe Plzenit.

Europa League po ashtu vjen me 16 përballje, ku siç dihet tanimë marrin pjesë dhe emrat e mëdhenj të futbollit evropian. Pas fitores në Austri ndaj Lask Linz, Liverpooli kërkon një tjetër 3 pikësh, për të lehtësuar situatën në grupin E, ndërsa përballet në mbrëmje me Royal Union. Përballja tjetër është ajo mes Toulouse dhe Lask që luhet në Francë.

Nënkampionët e Romës përballen me Servetten, ndërsa fitorja ndaj Sheriff u mundësoi 3 pikët e para në grup. Dy skuadrat nuk janë përballur asnjëherë më parë me njëra-tjetrën në një ndeshje zyrtare, teksa miqtë në kampionatin aktual në Zvicër renditen në vendin e 8-të. Në fushë po ashtu pritet të zbresin dhe disa lojtarë shqiptarë, mes tyre dyshja Xhixha-Muçi.

LEXONI GJITHASHTU:

• Vrasja e tifozit grek, UEFA përjashton tifozët e Dinamo Zagrebit
• 1 i vdekur pas trazirave mes tifozëve, shtyhet ndeshja AEK-Dinamo Zagreb