Balluku çel garën ndërkombëtare të ndërtimit të hekurudhës Vorë – Hani i Hotit

Zëvendës kryeministrja dhe ministrja Belinda Balluku, ka mbajtur një fjalim këtë të mërkurë sa i përket hapja së garës ndërkombëtare për linjën hekorudhore Vorë – Hani i Hotit

Ajo ka dhënë detaje se si do të ndikojë kjo hekurudhë në zhvillimin ekonomik dhe social të vendit.

“Të nderuar pjesëmarrës dhe koleg, kënaqësi të jemi këtu për të vendosur një gur kilometrik pasi bëhet fjalë për një pjesë tjetër të hekurudhës shqiptare, një nga mjetet e transportit më të rëndësishme për politikat e BE pasi ka një impakt të madh në zhvillimin ekonomik e social të vendit.

Duke nisur nga dje sa i përket çeljes së grup kapitujve të nxjerrë për fazat e negocimit, kjo hekurudhë ka një domethënie shumë të madhe. Sot çelim garën ndërkombëtare të ndërtimit të hekurudhës”, tha Balluku.

Ndër të tjera, ajo tregon dhe disa nga teknikat që do të sjellë kjo linjë hekurudhore.

“Hekurudha lidh Shqipërinë me Malin e Zi, një vend me të cilin ndajmë histori dhe aspiratën e madhe për tu bërë sa më parë anëtarë të BE. Transporti ndërlidh jo vetëm me Ballkanin Perëndimor  por e bën Shqipërinë pjesë të korridoreve Pan-Europiane.

Projekti i ri sjell një linjë hekuruodhe prej 120 kilometrash e cila nis në Vorë dhe përfundon në Han të Hotit, ku parashikohet të ndërtohen 12 stacione. Pra kjo hekurudhë do të ketë 12 ura dhe një tunel të vendosur në zonën e Lezhës prej 120 metra. Studimet e kryera tregojnë se kjo rrugë hekurudhore do të përshkohet për 2 orë mesatarisht dhe do të ketë një fluks vjetor të 2.3 milionë pasagjerëve ose 900 mijë ton ngarkesash mall në vit”, shpjegoi Belinda Balluku.

Ajo shtoi gjithashtu se në fazën e ndërtimit të kësaj hekurudhe pritet të angazhohen gjithashtu 1 mijë persona.

LEXONI GJITHASHTU:

• Belinda Balluku zbulon detaje nga projekti i urës së Bunës
• Hekurudha Vorë-Hani i Hotit, BE jep 136 mln euro për ndërtimin. Puna nis në 2025