Balluku inspekton punën për ndërtimin e godinës së DPSHTRR në Mat: E surprizuar!

Ministrja e Infrastrukturës dhe Energjitikës, Belinda Balluku, ka qenë ditën e sotme në godinën e re të DPSHTRR-së në Mat, ku ka zbuluar se punimet atje janë drejt përfundimit.

Gjatë fjalës së saj Balluku tha se ky është një investim i nevojshëm për këtë qark, pasi sipas saj, shumë automjete dhe mjete të rënda, duhet të shkonin nga Mati në Dibër, për të marrë shërbimet e nevojshme.

Ajo tha gjithashtu se në vendin tonë janë rreth 880 mijë euromjete dhe me rritjen e numrit të tyre, duhet të rritet edhe numri i shërbimeve.

“Para 4-5 muajsh kemi qenë këtu me drejtorin Gonxhe që sot është ministër, për të filluar një ndërtesë të re, që është drejtoria rajonale e Matit. Pse na është dashur të kemi një drejtori të re në qarkun e Dibrës? Sepse është një nga qarqet me territorin më të shtrirë dhe një territor të vështirë me shumë rrugë rurale.

Për të gjitha ankesat që na vinin nga qytetarët, duhet të bënim një analizë se çfarë duhet të bënim për këtë qark. Duhet thënë që sot në Shqipëri kemi mbi 880 mijë mjete aktive që kanë nevojë për shërbimet e DPSHTRR-së.

Dhe shumë automjete të Matit, mjete të rënda, u desh të shkonin deri në Dibër për të bërë shërbimet. Jam shumë e surprizuar duke parë që ju jeni gati për të nisur nga puna tashmë”, tha Balluku.

LEXONI GJITHASHTU:

• Balluku: U firmos me BERZH marrëveshja e financimit për hekurudhën Vorë-Hani i Hotit
• Balluku inspekton nënstacionin e Rrashbullit: Rritje e kapaciteteve transmetuese