Balluku mbyll fushatën në Dibër: Nuk ka të majtë e të djathtë, vlerësohet puna

Drejtuesja politike e Partisë Socialiste në qarkun Dibër, Belinda Balluku tha në mbyllje të fushatës në Dibër se shqiptarët nuk kanë më idenë e ndasisë të majtë dhe të djathtë, por ata mbështesin punën.

“Shqiptarët kanë kuptuar se nuk është më koha për tifozeri, që e ardhmja e fëmijëve tanë nuk bëhet me tifozllëk, jam me Saliun e rashë e vdiqa. Po ku do të shkojnë fëmijët tanë me Saliun? Cila është e ardhmja e tyre me Saliun dhe gjithë Salinjtë e tjerë? Këtë e kanë kuptuar të gjithë shqiptarët tashmë dhe ndaj na bashkohen në çdo takim, na janë bashkuar në këtë fushatë dhe do të na bashkohen në 14 maj me votën e tyre,” – u shpreh Balluku.

Zv. kryeministrja bëri thirrje që të gjithë të votojnë për t’i dhënë një mundësi Klosit të lulëzojë. Kjo zonë e Dibrës do të shërbejë, sipas Ballukut, për t’i treguar Shqipërisë që nuk ka më të djathtë që rrinë të izoluar vetëm e vetëm që të mbrojnë Sali Berishën.

LEXONI GJITHASHTU:

• Nis procesi i targimit të mjeteve bujqësore në Dibër, e pranishme ministrja Balluku
• “Burri më i fortë që kemi në qeveri”, Rama përgëzon Ballukun në Dibër