Banori në Shkodër: Të merren masa, rrezikojmë të përmbytemi sërish

Rreth 1375 hektarë tokë vijojnë të jenë nën ‘pushtetin’ e ujit në qarkun e Shkodrës edhe pse intensiteti i reshjeve ka rënë.

Një banor i zonës së Muriqanit, Shuajp Fishiku u shpreh për Euronews Albania se situata në këtë zonë mbetet problematike për shkak të “Përroit të Kufirit”.

Ai kërkoi që të devijohet rrjedhja e përroit si dhe shteti të dëmshpërblejë banorët e prekur nga përmbytjet.

Sipas tij banorët rrezikojnë sërish të përmbyten nëse nuk merren masa.

“Uji ka ardhur nga ora 2 e natës. Problematika e këtij ujit është Përroi i Kufirit. Uji ka hyrë në banesat, kasolle dhe kosheret e bletëve janë përmbytur. Kemi kërkuar pastrimin e përroit. Shteti duhet të ndërhyjë për të hapur këtë nyje, që përroi të derdhet në Bunë. Në këtë gjendje nuk jam përmbytur asnjëherë më parë. Nëse bie shi siç ka rënë, do përmbytemi sërish. Shteti të na dëmshpërblejë”, u shpreh ai.

LEXONI GJITHASHTU:

• Akset me rrëshqitje dherash në Shkodër, Angoni tregon situatën me përmbytjet
• SPAK akuza ndaj Alqi Bllakos edhe për inceneratorin e Elbasanit