Barcelona ka regjistruar një tjetër fitore në La Liga, ndërsa qëndron në krye të klasifikimit. Të shtunën Blaugranët mposhtën me përmbysje Seltën, teksa në 5 javët e fundit, ekipi i Flikt numëron 13 pikë.

Një fitore me përmbysje që vetëm Barcelona mund ta sigurojë, ndeshja ndaj Celta Vigo rezultoi spektakolare, e në fund Blaugranët që i gëzohen 3 pikëve me shumë vlerë. Skuadra e Hansi Flick hasi jo pak vështirësi në javë ne 32 të La Liga, ndaj një kundërshtari që synon zonën Euro. Vendësit e nisën mirë ndeshjen pas golit të shënuar nga Ferran Torres, por Borja Iglesias riktheu barazpeshën në fraksionin e parë.

Në pjesën e dytë i njëjti futbollist do të shënonte dhe dy herë të tjera, për t dhënë Celtës avantazhin 1-3. Olmo e Raphinha rikthyen në lojë Barcelonën, ndërsa në kohën shtesë ishte sërish braziliani që vulosi triumfin 4-3, e id ha 3 pikët Barcelonës që qëndron në krye me 73 pikë.

Në përfundim trajneri Flick u shpreh i lumtur për reagimin e të tijve. “Jam vërtet i lumtur me mënyrën si reagoi skuadra pas rezultatit 1-3. Nuk u dorëzuan kurrë, dhe ky është mentaliteti që më pëlqen. Gabimi te goli i dytë është i qartë, por më shumë rëndësi ka reagimi i lojtarëve në fund të ndeshjes”, u shpreh tekniku gjerman.

LEXONI GJITHASHTU:

• Shtyhet dueli Osasuna-Barcelona, ndërron jetë mjeku i klubit blaugran
• “El Clasico” me vlerë trofeu: Barcelona kalon në finalen e Kupës, e pret Reali