Bardhi e Gjekmarkaj takim me Hofreiter: Ndamë pikëpamjet për integrimin në BE

Deputeti i Partisë Demokratike, Agron Gjekmarkaj, së bashku me kreun e Grupit Parlamentar të PD-së, Gazment Bardhi, kanë zhvilluar një takim në Bundestagun gjerman me kryetarin e Komitetit për Çështjet Europiane, Anton Hofreiter.

Lajmin e bëri të ditur Agron Gjekmarkaj përmes një reagimi në rrjetet sociale, ku shkruante se me të ndanë pikëpamjet mbi integrimin e Shqipërisë në BE.

Po ashtu, Gjekmarkaj bëri të ditur se bashkë me Bardhin e falenderuan Hofreiter për mbështetjen që Gjermania i ka dhënë vendit tonë në 34-vite pluralizëm.

Po ashtu, ai tha se i shprehën atij shqetësimet për stanjacionin e Reformes Zgjedhore, e cila sipas tij, me patjeter duhet të reflektojë rekomandimet e OSBE – ODIRH për zgjedhje të lira e të ndershme dhe barazi të pjesmarrësve në zgjedhje.

Postimi i Gjekmarkajt:

Sot sëbashku me z. Gazment Bardhi, kryetar i grupit parlamentar të PD dhe Nënkryetar i kesaj partie, u pritem nga Kryetari i Komitetit  per Çeshtje Europiane në Bundestag z. Anton Hofreiter, me të cilin bashkëndamë pikëpamjet tona mbi integrimin e Shqiperisë në BE, si dhe e falenderuam për mbeshtetjen e pakursyer që Gjermania i ka dhënë vëndit tonë në këtë proces e jo vetem  gjatë 34 viteve pluralizem.

Theksuam rëndesinë e procesit të Berlinit dhe mbeshtetjen që Opozita i ka dhënë atij që në gjeneze. I shprehem shqetesimet tona per stanjacionin e Reformes Zgjedhore e cila me patjeter duhet të reflektojë rekomandimet e OSBE – ODIRH per zgjedhje të lira e të ndershme dhe barazi të pjesmarrësve në zgjedhje.

Gjithashtu sot patem mundësinë e një bashkëbisedimi të gjërë me deputetët e këtij komiteti te cilet bënë shumë pyetje per çeshtje të integrimit, drejtesisë, Ballkanit të Hapur dhe procesit të Berlinit, bashkimit të opozites, marrveshjes Rama-Meloni, emigracionit dhe shkaqeve të tij etj. U shpreha kolegëve gjermanë gjithë respektin dhe falenderimin per vemendjen e kohen që na kushtuan, duke ju shpjeguar se populli shqiptar, jo vetem nga sondazhet të cilat e nxjerrin si popullin me proevropian, por nga historia e cila e ka vënë disa here në balle të perpjekjeve për të luftuar për Europen dhe në emer të saj, të një populli që e di ç’do të thotë të humbasesh si realitet e ta ruash si identitet, të ndeshkohesh prej saj e për të, për arsye shpirterore e kulturore si të tillë, si europiane dje, sot dhe neser, e meritojmë të jemi në bashkësinë e saj politike. Unë kam qënë 16 vjeç kur na u ofrua ëndrra europiane tani jam 50 vjeç dhe ajo ngjan me një vijë horizonti që sa i afrohemi po aq largohet. Popujt e Ballkanit Perëndimor e duan Europën, ndonjëherë qeveritë e tyre jo, sepse kështu konsolidojnë të pashqetësuar autokracinë!

Edhe në këtë takim rrëfeva sagen e trishtë të arrestimit të Liderit të Opozites Sali Berisha pa akuze e pa hetim, duke e shndërruar atë në një subjekt nën ligjin, duke prekur ad personam nenin 73 të Kushtetutës për ndeshkim. Opozita dhe PD e bashkuar janë realitet por ende peng i vendimeve gjyqësore që nuk respektojnë sensibilitetin shoqeror i cili pret sa me shpejt nga ata një vendim.

“Vdekja”  e Ballkanit të hapur  është e vetmja “vaki” që është pritur me gëzim duke zvogluar ndikimin e tërthortë rus nëpërmjet Serbisë në Ballkan. U shpjeguam gjitha hallkat, ngecjet dhe vonesat e Reformes në Drejtesi. Po ashtu ritheksuam nevojen e rikthimit të misionit faktmbledhës të Bundestagut gjatë vitit elektoral në Shqiperi.

LEXONI GJITHASHTU:

• Bardhi thirret në SPAK për “Xibrakën”, reagon Rama: Drejtësia vepron me ligje
• Bardhi nxjerr dokumentin: SPAK filloi hetimet për Xibrakën, jam thirrur të dëshmoj