Bardhi: Konkurrojmë për të qeverisur vendin jo për të marrë 4 mandate

Kreu i grupit parlamentar Gazment Bardhi tha në një komunikim për mediat pas miratimit të anëtarëve të opozitës për 2 komisionet hetimore se dakordësia e arritur me mazhorancën nuk lidhet vetëm me reformën zgjedhore por me çdo reformë që u shërben shqiptarëve.

Bardhi u shpreh se diskutimet për reformën zgjedhore duhet të kishin nisur që me ndryshimet kushtetuese, që siç tha u votuan nga ata që Basha kishte sot në tryezë, duke dëmtuar opozitën.

Bardhi theksoi se PD konkurron në zgjedhje për të qenë alternativë qeverisëse jo për të marrë 4 deputetë.

“Nuk bëhet fjalë për negociata për reformën zgjedhore, duhet të ketë një proces për çdo reformë të rëndësishme në vend. Nuk i jemi shmangur asnjëherë dialogut me kundërshtarin tonë politik brenda kuvendit për reforma e ligje apo çështje që janë në interes të qytetarëve. Në vlerësimin tonë dhe në atë që ka thënë Komisioni i Venecias ndryshimi i kushtetutës, nga ata që kishte sot në tryezë Basha, duke hequr koalicionet dhe duke dëmtuar opozitën. Aty duhet të ishim bashkë për të nisur diskutimin për reformën zgjedhore. Një pjesë e atyre që ne kishim mandatuar për në komision e nisën diskutimin ku e kishin lënë ‘kërpëratat’, partia jonë nuk është parti kërpëratash. Kjo është PD, që në zgjedhjet e ardhshme konkurron për të qenë alternativë qeverisëse, jo për të marrë 4 mandate”, tha Bardhi.

LEXONI GJITHASHTU:

• “Grupi i dialogut”,Bardhi: Anëtari i 3 të vijë nga kolegët që mendojnë ndryshe në PD
• Gjyqi për vulën e PD/Bardhi: Gjykata e Apelit t’i jap fund tejzgjatjes prej 2 vitesh