Bardhi përshëndet qëndrimin e ndërkombëtarëve: Parlamenti të jetë funksional

Kreu i Grupit Parlamentar të PD-së Gazment Bardhi ka dalë në një deklaratë për shtyp pasi mbledhjes që zhvilloi me deputetët e PD-së dhe Sali Berishën.

Në fjalën e tij ai tha se mbështesin qëndrimin e partnerëve ndërkombëtarë në progres-raportin që Parlamenti duhet të jetë funksional.

Mes tjerash ai theksoi se Grupi Parlamentar i PD-së ka qenë i gatshëm, për të dialoguar me mazhorancën mbi çdo pretendim të tyre për kërkesat për Komision Hetimor.

“Ne mbështesim qëndrimin e partnerëve tanë strategjikë ndërkombëtarëve që kërkojnë një parlament funksional, ku lejohet mbikëqyerja dhe kontrolli ndaj ekzekutivit. Funksionimi i parlamentit është motivi i vetëm për të cilën opozita në parlament është në një betejë për të fituar të drejtat e saj që nga data 5 tetor 2023. Grupi Parlamentar i PD-së që ditën ku ka depozituar kërkesat për Komision Hetimor ka qenë i gatshëm,  për të dialoguar me mazhorancën mbi çdp pretendim të tyre për kërkesat për Komision Hetimor”-tha ai.

LEXONI GJITHASHTU: 

• OBSH i kërkon informacion Kinës për rritjen rasteve të pneumonisë te fëmijët
• Malltezi kërkoi heqjen e sekuestros për pronat, shtyhet seanca në GJKKO