Basha kërkon që Shqipëria të mbajë qëndrim të qartë për sulmet në Ukrainë

Kreu i Partisë Demokratike, Lulzim Basha kërkon që Shqipëria të mbajë një qëndrim të qartë për sulmet e Rusisë në Ukrainë.

“Në emër të opozitës shqiptare dënojmë agresionin e Putinit.  Kemi detyrimin tonë moral në raport me aleatët tonë në NATO dhe ndaj një vendi që është zgjuar nga agresioni rus. Bëjmë thirrje për një qëndrim të shpejtë dhe të vendosur kundër këtij agresioni nga OKB, NATO dhe BE”, u shpreh Basha gjatë fjalës së Kuvend.

Menjëherë ndërhyri, kryetarja e Kuvendit, Lindita Nikolla, e cila tha se Shqipëria është në krah të NATO-s dhe të gjithë aleateve.

“Gjithë populli shqiptar është me vëmendje nga Ukraina dhe populli i Ukrainës, do të punojmë dhe do të shprehemi përmes një rezolute”, tha ajo.