Basha mbledh tryezën e dialogut, Topi: Marrëveshja e 2008 rrënoi themelet e shtetit

Kryetari i Partisë Demokratike, Lulzim Basha, organizoi sot tryezën e dialogut, “Harku Opozitar Euro-Atlantik”, ku i ftuar ishte dhe ish-presidenti Bamir Topi.

Topi tha se nuk është pjesë e asnjë partie politike, por është dëshmitar se si u rrënuan themelet e shtetit me marrëveshje e prillit 2008 në kohën kur ai ishte president.

“Prilli i 2008 erdhi shumë shpejt, pas një ngjarje tragjike, e kam fjalën për shpërthimin e Gërdecit. Kujtoj mirë një kryeministër në hall, një mazhorancë në hall, për përgjegjësinë dhe uljen e kredibilitetit si në mjedisin politik edhe në atë ndërkombëtar. Papritur vijën komunikime të nëndheshme të një marrëveshjeje të errët dhe okulte që paralajmëronte një shpërthim tjetër, atë të themeleve të shtetit, që parashikohej në Kushtetutë. Pa komunikimeve pashë që ishte një mur i lartë i ndërtuar nga njeriu në hall dhe nga tjetri që aspironte të ndërtonte pushtetin e tij të ardhshëm mbi dramën që po konsumohej. Paralajmërimin e parë e bëra më 15 prill 2008 duke thënë çdo të ndodhte pas atij ndryshimi. Ftoj të gjithë politikanët t’i rikthehen marrëveshjes, e cila është komplekse dhe shumëdimensionale. Dobësoi rolin e presidentit dhe prishi balancat institucionale”, tha Topi.

LEXONI GJITHASHTU:

• Basha: Kundër pazarit për të ruajtur marrëveshjen e 2008 mes Ramës dhe Berishës
• Deklarata e Dumanit| Basha: Sulmet e politikës inkurajojnë krimin të kërcënojë SPAK