Basha në Njësinë 7 në Tiranë: Vetting-u në politikë po mirëpritet nga qytetarët

Kryetari i PD, Lulzim Basha, zhvilloi këtë të shtunë takime me banorë të Njësisë 7 në kryeqytet.

Gjatë bisedave rastësore, Basha mori mbështetjen e qytetarëve për Vetting-un në politikë propozuar prej tij, si mënyra e vetme për të pastruar politikën.

Kreu i PD theksoi se duhet t’i jepet fund pandëshkueshmërisë për të patur një Shqipëri më të drejtë dhe më të zhvilluar.

“Derë me derë, lagje më lagje e qytet më qytet, për të dëgjuar zërin e qytetarëve, shqetësimet por edhe për të ndarë idetë se si mund të dalim nga kjo situatë e vështirë ekonomike.

Qytetarët i kanë mirëpritur propozimet e mia që vetting-u në politikë të faktojë kush janë politikanët e korruptuar. Ata duan që ta zgjedhin vetë deputetin e tyre dhe shqiptarët që jetojnë jashtë vendit të kenë mundësi të votojnë në zgjedhje nga aty ku jetojnë e po kështu që Presidentin ta zgjedhë drejtpërdrejt populli.

Duhet t’i jepet fund paprekshmërisë për një Shqipëri më të drejtë dhe më të zhvilluar.

Shqipëria ka një potencial të jashtëzakonshëm, thjesht duhet ta shndërrojmë në të mirë të qytetarëve dhe jo të një grupi njerëzish të lidhur me pushtetarët”, – shkruan Basha në Facebook.

LEXONI GJITHASHTU:

• Basha me zv/presidentin e IRI: Lufta kundër korrupsionit prioritet, mbështesim SPAK
• Basha me delegacionin e Kosovës në KiE: Hetimi i plotë i Basnjkës, i domosdoshëm
• Basha takime me fermerët në Baldushk: Bujqësia duhet të jetë prioritet i çdo qeverie