Basha: Nga Amnistia u liruan rreth 100 zyrtarë të dënuar për korrupsion

Kryedemokrati Lulzim Basha është shprehur se nga Amnistia Penale përfituan rreth 100 zyrtarë të dënuar për korrupsion.

Komentet Basha i bëri në një dalje për mediat, përpara Parlamentit, teksa pritet të mbahet seanca plenare.

Basha tha se nga qeveria mbajti 3 muaj në burg personat që do të liroheshin më herët nga amnistia, vetëm për të liruar të korruptuarit.

Ai tha gjithashtu se Amnistia nuk mund të bëhej pa votat e deputetëve të Rithemelimit, të zgjedhur nga lista e PD.

“Ulsi Manja dhe qeveria kanë patur vetëm një interes, i kanë mbajtur mbi 3 muaj në burg personat që do të dilnin më herët pasi të përfitonin nga Amnistia, vetëm e vetëm për të liruar mbi 100 persona të dënuar për korrupsion.

Kjo nuk do të ishte e mundur pa bashkimin e votave me një pjesë të deputetëve që ndodhen aty me votat e PD-së. PD dhe deputetët e PD nuk mund të përzihen dhe përfshihen në këtë Pazar të ndyrë, që ka si qëllim lirimin e të dënuarve nga SPAK dhe dhënien e mesazhit se edhe kur zyrtarët dënohen, ata lirohen sërish.

Presim përgjigje zyrtare nga institucionet e drejtësisë. Të dhënat e bëra publike janë gjetje të kolegëve tuaj, që flasin për 80-100 zyrtarë të liruar dhe tani presim përgjigje edhe nga institucionet lidhur me këto shifra”, tha Basha.

LEXONI GJITHASHTU:

• Basha tregon 4 prioritetet e PD, thirrje nga Milano: Të bashkohemi përmes vlerave
• Amnistia| Motra emocionohet teksa pret të vëllanë të lirohet: Ka 24 vite në burg