Basha: Rama, Berisha e Meta janë bërë bashkë kundër SPAK dhe Reformës Zgjedhore

Kryetari i Partisë Demokratike, Lulzim Basha, është shprehur se politikanët e vjetër nuk e kanë betejën thjesht me PD-në, por me popullin shqiptar.

Komentet Basha i bëri përmes një postimi në rrjetet sociale, ku tha se kur mblidhen bashkë kryeministri Edi Rama, ish-kryeministri Sali Berisha dhe kreu i Partisë së Lirisë, Ilir Meta, ‘luajnë’ diçka në kurriz të shqiptarëve.

Basha tha gjithashtu se Rama, Berisha dhe Meta janë bërë bashkë këtë herë kundër SPAK dhe Reformëz Zgjedhore, sepse vetëm kështu sipas tij, mund të vijojnë me pazaret e vjetra.

Postimi i Bashës:

Politikanët e vjetër të tranzicionit të stërzgjatur shqiptar nuk e kanë thjesht betejën me Partinë Demokratike, por, mbi të gjitha, ata e kanë me popullin shqiptar. Jo vetëm që janë në pazar me njëri-tjetrit, por dihet se kur mblidhen bashkë Rama, Berisha dhe Meta diçka po luajnë në kurriz të shqiptarëve.

Këtë radhë janë bërë bashkë në një aleancë të re kundër SPAK-ut dhe kundër Reformës Zgjedhore, sepse vetëm kështu mund të vijojnë me pazaret e vjetra të bëra në kohë të reja.

Personalisht nuk impresionohet nga deklaratat e atyre që kanë marrë malet për t’iu fshehur drejtësisë, por një gjë është e sigurt: nuk u ka mbaruar vetëm koha, por edhe rruga. Dhe kur të mbaron rruga, nuk ka mal që të bën derman.

LEXONI GJITHASHTU:

• Basha: Shumë shpejt ekipi që përcjellë programin tek qytetarët
• Basha ironizon marrëveshjen Rithemelimi-PS: Pse u dorëzua flamuri i revolucionit?