Basha takon Varhelyi-n: Prioritet, Reforma Zgjedhore dhe lufta kundër korrupsionit

Kryetari i Partisë Demokratike, Lulzim Basha, ka zhvilluar një takim me Komisionerin e Bashkimit Europian për Fqinjësinë dhe Zgjerimin, Oliver Varhelyi.

Përmes një postimi, Basha ka zbardhur detaje nga takimi, ku sipas tij, u diskutua për prioritetet e PD-së, reformën zgjedhore dhe luftën kundër korrupsionit.

Basha shtoi se përmes propozimeve për reformën zgjedhore, PD synon ti japë qytetarëve të drejtën ti zgjedhin ata deputetët e tyre përmes listave të hapura.

Postimi i kryetarit të PD:

Kënaqësi të bisedoja sot me Komisionerin e Bashkimit Europian për Fqinjësinë dhe Zgjerimin, Oliver Varhelyi. Diskutuam mbi prioritetet e Partia Demokratike e Shqipërisë, reforma zgjedhore dhe lufta kundër korrupsionit. Për PD kushdo që ka abuzuar me paratë e shqiptarëve duhet të japë llogari para drejtësisë. Për këtë arsye

PD është në krah të drejtësisë dhe SPAK në luftën kundër korrupsionit dhe për ti dhënë fund pandëshkueshmërisë në Shqipëri.

Përmes propozimeve për reformën zgjedhore PD synon ti japë qytetarëve të drejtën ti zgjedhin ata deputetët e tyre përmes listave të hapura. Barazia e votës përmes krijimit të një zone zgjedhore, votimi dhe numërimi elektronik dhe vota e diasporës janë të tjera propozime përmes të cilave ne synojmë ti kthejmë besimin shqiptarëve tek zgjedhjet dhe ti japim fuqi zërit të tyre.

LEXONI GJITHASHTU:

• “S’ka negociata për Amnistinë”, Basha: S’mund të përdoret për zyrtarët e korruptuar
• Basha thirrje autoriteteve: Ekspozoni agjenturën Jugosllave e Sovjetike në Shqipëri