“Bashkë fitojmë” nis fushatën, Hoxha: Stadiumin e mbush Rama kur të dojë

Gazetari Poli Hoxha komentoi në një intervistë për Euronews Albania hapjen e fushatës së koalicionit “Bashkë Fitojmë” në stadiumin Air Albania.

Sipas tij Berisha është i detyruar të përdorë stadiumin për këtë ngjarje sepse e vetmja armë e tij është të tregojë se ende mund të mbledhë njerëz.

“Nuk arriti dot as të marrë zyrtarisht partinë, as grupin parlamentar, as vulën, as logon, asgjë dhe e vetmja gjë që i ka ngelur është mbledhja e njerëzve. Për mendimin tim këtyre u ka ikur koha dhe vetë zoti Berisha e tregoi me ato mitingjet që nuk shkonin më shumë se 10-15 mijë dhe kur ishin kombëtare. I testoi me Tiranën, Tirana gati e braktisi me ato mini protestat që do të ishin të përditshme, do të ishin një testim para zgjedhor dhe për Tiranën, nuk shkonin më shumë se 500-1000 veta para parlamentit. Nuk është zor i madh të mbushësh stadiumin,” – u shpreh Hoxha.

Gazetari shtoi se do të ishte shumë më mirë sikur të krijonin një parti të re dhe në këtë mënyrë situata politike do ishte më e qartë, ashtu siç vetë koalicioni do të ishte faktor.

“Nuk e di çfarë duan të tregojnë me stadiumin sepse ne e dimë shumë mirë që stadiumin dhe brenda, dhe jashtë, Edi Rama e mbush kur të dojë,” – theksoi Hoxha.

LEXONI GJITHASHTU:

• “Bashkë Fitojmë” nis fushatën, zbulohen detaje nga ceremonia në Air Albania
• Koalicioni “Bashkë fitojmë” hap fushatën më 15 prill, pse u zgjodh Air Albania