Bashkia Tiranë të mos japë aq shumë leje ndërtimi, thotë deputetja e PD-së

Deputetja e Partisë Demokratike Andia Ulliri sugjeroi që Bashkia Tiranë të japë sa më pak leje ndërtimi në mënyrë që të minimizohet ndotja e mjedisit në kryeqytet.

Ulliri i cilësoi projekte fasadë parqet e vogla që ndërtohen, ndërsa theksoi se si arkitekte mund t’i cilësonte si projekte qesharake që nuk kanë ndryshuar asgjë.

“Le të mos mbjellim tek tuk ato pemët e vogla, por le të investojmë me mend në mjedisin shqiptar. Le të ndalojmë këto punime që bëhen çdo ditë, le të ndalojmë ajrin e ndotur,” – tha deputetja.

Sipas Ullirit është shqetësuese që në mëngjes të dëgjosh vetëm makina pune që janë në funksion të ndërtimeve dhe që mbi të gjitha shtojnë jo vetëm ndotjen, por edhe trafikun.

Ajo përmendi dhe shtimin e biçikletave që sa mund të ketë rregulluar punë, aq edhe mund të ketë prishur me numrin e aksidenteve që është gjithnjë në rritje.

LEXONI GJITHASHTU: 

• Në 10 vjet kemi humbur 32 për qind të pyjeve, thotë zv.ministrja e Mjedisit
• ministrja e Mjedisit: Vjosa park kombëtar kaloi në KKT, shumë shpejt në qeveri
• Strategjia e mazhorancës dhe opozitës për mjedisin, zv.ministrja Çuçi dhe deputetja Ulliri përballë të rinjve
• Politikat e qeverisë për shmangien e përmbytjeve kanë dështuar, thotë deputetja Ulliri