Ish-ministri demokrat Aldo Bumçi është shprehur se bashkimi i Partisë Demokratike është i mundshëm.
Komentet Bumçi i bëri në Euronews Albania, ku tha se ndarja e PD-së erdhi si pasojë e një goditjeje nga jashtë.
Ai tha se disa aktorë e faktorë u bënë bashkë për ta paraqitur PD-në si një forcë politike anti-amerikane dhe anti-perëndimore.
“Grupi Parlamentar vijoi, është meritë e të gjithë atyre deputetëve që vijuan atë betejë, treguan se jemi në një vend pa Parlament. Parlament ka pasur edhe Enver Hoxha, edhe Kina, por opozita duhet të ushtrojë kontrolle.
E thotë Komisioni Europian që nuk ka kontroll Parlamenti shqiptar. Aksioni opozitar do të vijojë edhe në ditët dhe javët në vazhdim dhe do të çojë në përshkallëzim të aksionit opozitar edhe në terren. Unë shoh shumë mundësi bashkimi për arsye të thjeshtë.
Sepse ndarja brenda PD nuk ishte një zhvillim i brendshëm. Këtu ndodhi nga një goditje nga jashtë, ç’ka është ndryshe. Pra erdhi nga goditja e jashtëzakonshme për ta treguar këtë parti si një parti anti-amerikane dhe anti-perëndimore.
Në terren bashkimi është bërë. Kandidatët tanë kanë marrë 38 % të votave, çka nuk është e mjaftueshme për fitoren, por është një hap i rëndësishëm”, tha Bumçi.
LEXONI GJITHASHTU:
- Mbledhja e Grupit Parlamentar të PD, Noka: Jemi të bashkuar, cili është akti final
- Pakti për emigrantët me Italinë, zbardhet kërkesa e Grupit të PD për Kushtetuesen
