Batuta te Ekonomia, Shalsi “ngatërron” deputetin: S’jam Frroku, Frroku është në…

Ish-deputeti Mark Frroku u arrestua ditën e diel nga policia, pas një konflikti për pronat të ndodhur në “Kepin e Rodonit” në Durrës.

Emri i tij u bë objekt i një ngatërrese dhe në Komisionin e Ekonomisë këtë të hënë, ku kryetari i komiisonit Eduart Shalsi, teksa diskutonte mbi pikat e rendit të ditës, i është drejtuar deputeti të PS, Frrok Gjinit, duke i thënë “zoti Frroku”.

Kjo ngatërresë ka bërë që deputeti i PS të përgjigjet me humor duke i thënë “s’jam Frroku, jam Gjini… Frroku është në…”.

Më tej Shalsi ka vijuar me humor punën e komisionit duke i thënë: “Frrok Gjini pra”.

Ngatërresë e cila ka shkaktuar të qeshura nga deputetët e tjerë të pranishëm në Komisionin e Ekonomisë ku u diskutuan ndryshimet në projektbuxhet dhe dy nisma nga deputetët e opozitës.

Pjesë nga diskutimi:

Shalsi: Kalojmë në votim nëse nuk ka diskutime të tjera? …. Duke falënderuar të ftuarit kalojmë tek pika e dytë e rendit të ditës, lidhur me projektligjin e depozituar nga Petrit Vasili. Projektligji është, iniciativë që shoh… e kemi diskutuar këtë por nuk kemi votuar

Gjini: Deri në 2022 o vëlla

Shalsi: E kemi diskutuar, por nuk kemi marrë një vendim zoti Frroku

Gjini: Nuk jam Frroku, jam Gjini, Frroku është në…

Shalsi: Frrok Gjini pra… (buzëqesh)

LEXONI GJITHASHTU:

• Konflikti tek ‘Kepi Rodonit’, arrestohet ish-deputeti Mark Frroku
• Kush janë të arrestuarit në konfliktin e Mark Frrokut, në vendngajrje dhe 1 gëzhojë