Bayern mposht Tottenham 4-0, shkëlqejnë lojtarët e rinj të bavarezëve

4 gola të realizuar, dominim absolut, leksion me të rinjtë dhe një penallti e shpërdoruar ishte panorama e duelit Bayern Munchen-Tottenham, sfidë e fituar nga rekordmenët e Gjermanisë. Të dyja ekipet u paraqitën me 11shet më të mira në këtë përballje, ku e nisi si titullar dhe blerja më e fundit e Bayernit, Luis Diaz, por që nuk la gjurmë.

Goli i parë i ndeshjes së mbajtur në Allianz Arena erdhi nga Harry Kane, pas një asisti të mrekullueshëm të Michel Olise. Në minutën e 14’ bavarezët ekzekutuan dhe një penallti me Harry Kane, që si rrallëherë gaboi duke dërguar topin në tribunë. Pjesa e parë u mbyll me rezultat minimal, ndërsa në të dytën u shënuan 3 gola të tjerë.

Kinglsey Coman në minutën e 61’ realizoi një supergol me të majtën, duke dërguar topin në trekëndësh. Trajneri Vincent Kompany zëvendësoi thuajse të gjithë titullarët, duke provuar lojtarët e akademisë, por si për ironi të fatit erdhën dhe 2 gola të tjerë, më saktë dy supergola. Karl dhe Kusi Asare vulosën fitoren 4-0, ndërsa Tottenham nuk arriti të krijojë dot as edhe një rast të vetëm shënimi. Bayern bëhet gati për një tjetër miqësore, atë ndaj Grasshoppers  më 12 gusht.

LEXONI GJITHASHTU:

• Luis Diaz prezantohet te Bayern, firmos kontratë 4-vjeçare
• Granit Xhaka zgjidhet lojtari me më tepër impakt te Bayern Leverkusen