Luis Diaz prezantohet te Bayern, firmos kontratë 4-vjeçare

Luis Diaz është prezantuar zyrtarisht si futbollist i Bajernit të Mynihut, pasi ka kaluar me sukses testet mjekësore. Kolumbiani ka firmosur për 4 vite me rekordmenët e Gjermanisë.

Në 4 vitet e ardhshme Luis Diaz do të jetë futbollist i Bayernit të Mynihut, ndërsa ka kaluar me sukses testet mjekësore. Ka qenë vetë klubi gjerman i cili ka deklaruar në rrjetet sociale se ka Diaz është blerja më e fundit e kampionëve në fuqi të Gjermanisë. Këtë të mërkurë, anësori kolumbian është prezantuar edhe me shokët e skuadrës.

Sa i përket këtij transferimi janë bërë publike të tjera detaje, ndërsa kujtojmë se 28-vjecari bëhet një ndër blerjet më të shtrenjta në historinë e Bayern, teksa do të përfitojë plot 14 milionë euro në sezon. Vetëm dy lojtarë kanë kushtuar më tepër për arkat e klubit se Diaz dhe ata janë Harry Kane i marrë nga Tottenham për 100 milionë euro dhe Lucas Hernandez i transferuar nga Atletico për 80 milionë euro.

Diaz do të mbajë veshur fanellën me numrin 14, ndërsa pritet që në javët e para të aktivizohet, ndoshta edhe si titullar duke parë mungesat në kampin bavarez. Ai vjen pas një periudhe pozitive te Liverpool, ndërsa më herët ka luajtur edhe për Porton në Portugali. Tratativat mes palëve filluan në fillim të muajit korrik, ndërsa u konkretizuan vetëm pak orë më parë.

LEXONI GJITHASHTU:

• Granit Xhaka zgjidhet lojtari me më tepër impakt te Bayern Leverkusen
• Goditje në merkato nga Man City, Bayerni përforcon mbrojtjen