Bayern nuk gjen qetësi, Tuchel përplaset me drejtuesit e rinj, shkak bëhet merkato

Titulli i 11-të radhazi i fituar nga Bayern në Bundesligën gjermane nuk është shijuar së tepërmi nga drejtuesit e klubit, të cilët synojnë të sjellin një tjetër fytyrë.

Ardhja e Thomas Tuchel, largimi i dyshes Kahn Salihamidzic dhe rikthimi i Hoenes Rummenige, sërish nuk kanë sjellë qetësi. Tekniku i ri, i cili më parë ka drejtuar dhe Dortmundin është përplasur me drejtuesit e rinj.

Shkak këtë herë është bërë merkato, që ndryshe nga premtimet e bëra pak muaj më parë, tanimë është krejt e kundërta. Bayern e bindi Tuchelin duke i premtuar dorë të lirë në merkato, por duket se kjo gjë nuk do të ndodhë, e thënë ndryshe nuk ka ndodhur asnjëherë. Skuadra është në kërkim të një sulmuesi, ndërsa në planin e dyshes drejtuese është bomberi Harry Kane, i cili ka një vlerë të lartë në merkato. Afrimi i tij do të ulte ndjeshëm buxhetin për nënshkrimet e tjera, ndaj trajneri Tuchel e ka kundërshtuar.

Sipas tij, duhet të ruhet struktura aktuale, ndërsa forcimi do të ndodhë në mesfushë, aty ku Kimmich me shumë mundësi nuk do të ketë koleg reparti Leon Gortzkan. Ky ishte një tjetër vendim i kundërshtuar nga Hoennes dhe Rummenige, të cilët e cilësojne mesfushorin pjesë të skuadrës. Kujtojmë se përplasje të tilla, mes drejtuesve dhe trajnerit Naggelsmann cuan në shkarkimin e këtij të fundit.

LEXONI GJITHASHTU: 

• Rrëzimi i kërkesës së Belerit për t’u betuar, reagon Ministria e Jashtme greke
• U akuzua për fshehje pasurie, GJKKO: 1 vit shërbim prove ish-kreun e Kushtetueses