Kreu i BDI-së, Ali Ahmeti, ditë më parë nuk e mohoi se mund të jetë kandidat i BDI-së për president të Maqedonisë së Veriut, por gjatë së shtunës deklaroi se kjo çështje nuk është shtruar në organet e partisë dhe pas diskutimeve do të veprohet. Sipas tij, të gjitha opsionet mbeten të hapura.
Por, një gjë, sipas Ahmeti mbetet e qartë, BDI-ja do të ketë kandidat për president.
“Sigurisht edhe Bashkimi Demokratik për Integrim derisa u politizua kandidatura për President edhe BDI do të ketë kandidatin e vet”, tha Ali Ahmeti.
Këto komente kreu i BDI-së i bëri gjatë shënimit të “Ditës së Plisit” në Shkup, ku nën përkujdesje të Ministrisë për Sistem Politik dhe Marrëdhënie ndërmjet Bashkësive, në Teatrin Shqiptar në Shkup, për nder të përvjetorit të Pavarësisë së Kosovës, u mbajt Koncerti solemn i Ansamblit Shtetëror të Këngëve dhe Valleve Popullore Shqiptare në Maqedoninë e Veriut.
LEXONI GJITHASHTU:
- Po trafikonin armë dhe municion luftarak drejt RMV, arrestohen 2 persona në Elbasan
- Von der Leyen takim me kryeministrin Xhaferi: Mbështesim përpjekjet e RMV drejt BE