“Begaj më ka ftuar”- Pendarovski: Këtë verë shpresoj ta kaloj në bregdetin shqiptar

Presidenti i Maqedonisë së Veriut, Stevo Pendarovski, është shprehur se është ftuar nga homologu Bajram Begaj për të kaluar pushimet verore në bregdetin shqiptar.

Komentet Pendarovski i bëri në një lidhje për Euronews Albania, ku tha se shpreson që këtë verë ta kalojë në bregdetin e vendit tonë.

Po ashtu ai tha se kishte dëgjuar fjalët më të mira për plazhet e Shqipërisë nga kolegët dhe kushërinjtë e tij.

“Nuk e prisja që do të më shtronit një pyetje të tillë. Kam qenë disa herë në pjesën tuaj të bregdetit Adriatik, por vetëm në takime dhe samite me tematika të ndryshme politike. Për fat të keq asnjëherë nuk kam qenë për pushime dhe ndërkohë miku im z. Bajram Begaj më shtyn që të vij dhe të kaloj një pjesë të pushimeve në bregdetin shqiptar. Mendoj se ketë verë, pa garantuar, do doja ta shihja atë bregdet për të cilin miqtë, të afërmit, kolegët thonë vetëm fjalë të mira”, tha presidenti i RMV.

LEXONI GJITHASHTU:

• A mund të ketë Maqedonia e Veriut një president shqiptar? Si përgjigjet Pendarovski
• Zgjedhja e një kryeministri shqiptar në RMV, flet në Euronews presidenti Pendarovski