Bejrut|Izraeli sulmon kullën e kontrollit të aeroportit, kërcënon aeroplanin iranian

Ushtria izraelite ka sulmuar këtë të shtunën kullën e kontrollit të Aeroportit Ndërkombëtar Rafic Hariri të Bejrutit, duke rrezikuar një avion civil iranian që po përpiqej të zbarkonte.

Ministria libaneze e Transportit udhëzoi autoritetet e aeroportit që të parandalojnë hyrjen e aeroplanit iranian në hapësirën ajrore libaneze pas kërcënimeve izraelite për të shënjestruar avionin.

Megjithatë, disa orë më parë, zëdhënësi i ushtrisë izraelite Daniel Hagari paralajmëroi se ushtria nuk do të lejojë që asnjë armë të transferohet te Hezbollahu, duke përfshirë edhe rrugën përmes Aeroportit Ndërkombëtar të Bejrutit.

“Ne nuk do të lejojmë transferimin e armëve te Hezbollahu në asnjë formë. Ne jemi të vetëdijshëm për transferimet e armëve iraniane në Hezbollah dhe do të punojmë për t’i penguar ato, “tha ai në një deklaratë.

Ushtria izraelite të shtunën pretendoi vdekjen e liderit të Hezbollahut, Hassan Nasrallah në një sulm ajror të fundit në periferinë jugore të Bejrutit.

Deklaratë kjo e cila u konfirmua më vonë edhe nga Hezbollah.

LEXONI GJITHASHTU:

• Ushtria izraelite urdhëron banorët në Bejrut që të evakuohen menjëherë
• Iraku shpall tre ditë zie pas vrasjes së liderit të Hezbollah, Nasrallah