Bellingham te Reali, konfirmhet transferimi i mesfushorit për 134 mln euro

Pasuesi i Luka Modric është Jude Bellingham, ky është plan i Realit të Madridit i cili ka zyrtarizuar transferimin e britanikut.

Mesfushori që së fundmi mbante veshur fanellën e Dortmundit prezantohet në Bernabeu të enjten, ndërsa ka firmosuar për 6 sezone. 19-vjeçari ishte një dëshirë e presidentit Perez dhe trajnerit Ancelotti, teksa tanimë gjithçka është zyrtare, me mesfushorin që do të luajtë për një nga skuadrat më të mëdha në botë.

Operacioni për transferimin e tij ka nisur që në vitin 2022, por mundën të konkretizohen në qershorin e 2023-it. Në drejtim të tij ka pasur disa oferta, kryesisht nga Manchester City, Manchester United dhe Chelsea, por duket se britaniku është bindur nga klubi spanjoll, ndërsa pritet të jetë emri që do zëvendësojë kroatin Luka Modric. Çmimi që ka pranuar të paguajë Reali është 103 milionë euro, plus disa variabla, që nuk mund të kalojnë 30% të shumës fikse prej 134 mln euro në total.

Bellingham cilësohet si një ndër mesfushorët më të mirë të rinj në botë, ndërsa tek Dortmundi po ashtu dhe tek kombëtarja e Tre Luanëve ishte një titullar i padiskutueshëm. Në Gjermani qëndroi për 3 sezone tek verdhezinjtë, ndërsa ka shënuar 12 gola në 92 paraqitje. Në vitin 2020 u bë pjesë e kombëtares A të Anglisë, ku ka luajtur 24 ndeshje dhe ka shënuar vetëm 1 gol.

LEXONI GJITHASHTU:

• Puna nga shtëpia, 37.7% e ndërmarrjeve shqiptare realizuan takime virtuale
• Anulimi i mbledhjes së 2 qeverive, reagon Berisha: Rama-Vuçiç duan të ndajnë Kosovën