Berisha: Emri Vata ka besimin e plotë të të gjithë deputetëve të PD

Sali Berisha tha pas mbledhjes së përbashkët me deputetët e grupit Bardhi në Kukës, se kandidati i BF për zgjedhjet e pjesshme në këtë bashki, Emri Vata mori solidaritetin e plotë të të gjithë deputetëve të PD.

Berisha u bëri thirrje të gjithë kuksianëve që ti drejtohen kutive të votimit të dielën për të bërë ndryshimin e madh.

“Emri Vata ka besimin e plotë të të gjithë deputetëve të PD, besim se ai votën do e kthejë në shërbime transparente dhe përkushtim për qytetarët e Kukësit.

Është rasti t’u bëj thirrje të gjithë kuksianëve, kudo që ndodhen, por që kanë qendrën e votimit në Kukës, të vijnë ditën e diel dhe me votën e tyre të firmosin fillimin apo agun e një ndryshimi të madh që e pret Shqipërinë. Në mbledhje u diskutua gjerësisht mbi axhendën parlamentare, u morën vendime të cilat zoti Bardhi do ua komunikojë. Unë them se ishte një mbledhje shumë e frytshme”, tha Berisha.

LEXONI GJITHASHTU:

• Mbledhja Berisha-Bardhi, Salianji: Të përjashtohet nga grupi kushdo që…
• “Berisha po lufton për familjen”, Baton Haxhiu: PD po humb njeriun që e themeloi