“Berisha fajëson Bashën për dështimet e tij”, Jupi: Retorikë e panevojshme

“Sali Berisha po tenton të gjejë një armik për të varur dështimet e tij”, kështu është shprehur anëtarja e kryesisë së Partisë Demokratike Taulanta Jupi, lidhur me retorikën që ish- kryeministri Berisha ka mbajtur ndaj pasuesit të tij në kryesinë e Partisë Demokratike Lulzim Bashës.

E ftuar në Euronews Albania, Jupi u shpreh se Lulzim Basha e ka dhënë dorëheqjen e tij si kryetar i Partisë Demokratike që një vit më parë dhe detyrën e kreut të partisë e ka marrë përsipër Enkelejd Alibeaj, ndaj nuk ka arsye që për shkak të disa teknikaliteteve, të rrezikohet futja në zgjedhje.

“Zoti Lulzim Basha e ka dhënë dorëheqjen këtu e një vit më parë dhe unë besoj se kjo është një retorikë e panevojshme në këtë moment dhe është një retorik që bëhet për të nxjerrë përballë armikun e radhës ashtu si gjithmonë sa herë Sali Berisha kërkon të gjejë nëj armik për të varur dështimet e tij, Edi Rama duhet të gjejë një armik po prapë për të varur dështimet e tij. Në këtë rast kanë gjetur teknikalitetet për të “firmosur” Lulzim Bashën.

Ai ka dhënë dorëheqjen, nuk është më kryetar i Partisë Demokratike. Është një kryetar në detyrë, i cili e ka pranuar të kryej këtë detyrë deri në zgjedhjet e ardhshme, nënkryetari zoti Alibeaj, i cili është kryetari në detyrë. Nuk shikoj asnjë arsye se pse këto teknikalitete duhet të përbëjnë këtë lajm të madh e sidomos të pengojnë rregjistrimin ePartisë Demokratike në Zgjedhje”,- tha Taulanta Jupi për Euronews Albania.

LEXONI GJITHASHTU: 

• Nëse vdes kryetari si regjistrohet partia? Analisti tregon absurdin e Celibashit
• “Vuçiç refuzon marrëveshjen”, Kurti: Normalizimi i raporteve vetëm përmes njohjes