Berisha: Fredi Beleri i burgosur politik, Rama ruan interesat e mafiozëve në Himarë

Ish-kryeministri Sali Berisha tha këtë të premte në mbledhjen e grupit parlamentar të Rithemelimit se Kryeministri Rama nuk e zbaton ligjin pasi ai ruan interesat mafioze të ndërtuesve në bregdet. Ai tha se kjo ishte edhe arsyeja se përse kryeministri shqiptar nuk u prit në Athinë.

Berisha tha gjithashtu se kryetari i zgjedhur i Himarës Fredi Beleri është  i burgosur politik i Ramës, që sipas tij po “shkelmon” vlerat Europiane.

“Nuk u prit në Athinë. Po sigurisht sepse samiti ishte për vlerat Europiane që duhet të ndajnë vendet e Ballkanit, ishte për një deklaratë historike e cila përbën dokumentin legal të prespektivës Europiane të vendeve të rajonit, me kusht që ata të ju përmbahen vlerave Europiane. Ky shkelmon vlerat Europiane dhe pastaj thotë se policia dhe drejtësia ime e pavarur, më thonë këto gjëra. Mban në burg Fredi Belerin, absolutisht si të burgosur politik., vetëm e vetëm që të skadojë 90 ditëshi i afatit që ai të mos betohet si kryebashkiak i Himarës.

Iu them atyre që besuan se të besosh nacionalizmin e Edi Ramës është si të besosh turpin. Dhe kini kujdes atë që ka thënë Niçja; se ky nacionalizëm është streha e fundit e horrave.

Po ç’ka të bëjë me nacionalizmin respektimi i ligjeve tona? Përkundrazi ka të bëjë me nacionalizmin qytetar, shqiptar sepse ti je njeri i ligjit, i kushtetutës. Se ti për një shqiptar ke shkuar në burg dhe ke dhënë mandatet dhe betimet, sepse ligji po nuk qe i dënuar nuk e ndalon. Shumë thjeshtë, një parim shekullor i prezumimit të pafajësisë.

Kurse këtij që don të ja marrësh me çdo kusht mandatin për pronat e tua, të klanit tënd mafioz dhe klaneve të tjera mafioze, këtij i thua se me thotë policia dhe drejtësia e pavarur që nuk mund të betohet. Ka gjë më të turpshme. Enver Hoxha i bënte këto, por një drejtues i një vendi të lirë nuk e bën dot kurrë këtë. E bën vetëm për interesa të tij mafioze dhe i çon marrëdheniet me një fqinj, i cili për hir të së vërtetës duhet të themi këtu, pavarësisht  se ka pasur probleme në marrëdhëniet tona, por në tërësi ka predominuar, bashkëpunimi, miqësia. Greqia në asnjë rast që nga vitet ’90 e gjer dje asnjëherë nuk është bërë pengesë në proceset e integrimit evropian, euroatlantik të Shqipërisë.

Mund të ketë patur rezervat e veta, mund të ketë patur hezitimet, por nuk i ka lejuar vetes kurrë, asnjëherë. Tani të kërkon të zbatosh ligjin tënd dhe i thua po më ndërhyn. Çfarë po ndërhyn. Prevalon interesat mafioze të tij mbi interesat e vendit, mbi idealet demokratike të shqiptarëve dhe natyrisht e çon tjetrin drejt atyre qëndrimeve, që nuk i kanë pasur ndonjëherë. Me fqinjët gjithmonë krijohen probleme, por problemet zgjidhen dhe nuk kanë shkuar ndonjëherë në atë që të na pengojnë apo lobojnë kundër, cilido që ka qenë në pushtet.

Por tani me prevalimin e interesave mafioze të tij do të na vijnë.

LEXONI GJITHASHTU:

• FOTO| Ankorohet në Portin e Durrësit jahti 500 milionë dollarë i Jeff Bezos
• 9 ushtarë pakistanez humbasin jetën nga një sulm vetëvrasës