Berisha: Ka vetëm 1 PD, të hapur për të diskutuar me çdo anëtar

Ish-kryeministri Sali Berisha deklaroi se askush nuk mund të mendojë se ekzistojnë 2 Parti Demokratike, por vetëm 1.

Gjatë fjalës së tij jashtë Kuvendit, ai u shpreh se PD është e hapur për të diskutuar me çdo anëtar.

“Së pari duhet të garantojmë demokratët në të gjitha nivelet, nga anëtari i thjeshtë deri tek deputetët dhe me radhë. Partia Demokratike është e hapur dhe me vullnet të plotë për të diskutuar, për të debatuar me çdo anëtar të saj. Jemi të hapur të bëjë gjithçka për garantimin e votës së lirë”, tha Berisha.

Ai nënvizoi se kryesia e PD-së është e shkarkuar me vendimin e kongresit historik.

“Kjo nuk do të thotë se fjala e demokratëve, cilido qoftë ai nuk dëgjohet dhe nuk përfillet. PD ka institucionin e saj tashmë të plotë dhe ky është grupi parlamentar. Brenda grupit parlamentar mund të diskutohet për çdo gjë. Bashizmi ishte doktrinë e dhunimit të statutit dhe institucioneve”, tha ish-kryeministri.

LEXONI GJITHASHTU:

• Nafta po shitet shtrenjtë, bordi i qeverisë s’po jep zgjidhje alternative
• Çmimi i naftës rritet në 233 lekë për litër