Berisha-mazhorancës: Pse s’guxoni të flisni për gjenocidin serb në Kosovë

Kryetari i Partisë Demokratike, Sali Berisha e cilësoi një rezolutë të njerëzve me qëndrim të dyfishtë atë të mazhorancës për gjenocidin serb në Srebrenicë.

Qeveria, sipas tij nuk ka guxim të flasë për gjenocidin serb në Kosovë, pasi po përpiqet të fshehë Aleksandër Vuçiçin.

“Nga një anë dënoni gjenocidin, por nga ana tjetër fshihni me qëllim ideologun, arkitektin e gjenocidit në Bosnje Sllobodan Millosheviçin dhe sivëllaun e Ramës, Vuçiç. Në gjithë mediat e botës ekziston deklarata në Parlament por dhe në Bosnje e Vuçiçit cili zotohet se për çdo serb të vrarë do vriten 100 myslimanë. Vuçiç ka vetëm një vend dhe ai vend është Haga. Ju jo që s’guxoni të kërkoni gjykimin e tij në Hagë dhe dënimin për gjenocid, por bëni gjithçka për ta kufizuar në Bosnjë. Pse bëni strucin ju? Çfarë ju shtyn mos jeni të hapur dhe ta dënoni me gjithë shpirt e zemër masakrën më të madhe që ka njohur Evropa pas Luftës së Dytë Botërore që ka njohur Evropa. Çfarë ju shtyn ju të fusni një frazë që është akt-akuzë shumë e rëndë për ju ku flisni për vrasje në Kosovë dhe jo gjenocid në Kosovë? Ç’është ky kapitulli, ky nënshtrim i juaji”, tha Berisha.

LEXONI GJITHASHTU:

• Debate në Kuvend, Alibeaj kërkon rezolutë për krimet serbe në Kosovë
• Balla: 11 korriku të shpallet dita e përkujtimit të gjenoicidit në Srebrenicë