Kryetari i Partisë Demokratike Sali Berisha tha këtë të premte në një konferencë për mediat se do të dërgojë për ndjekje penale Ministrin e Punëve të Brendshme, drejtorin e përgjithshëm të policisë dhe vetë kryeministrin Edi Rama për mungesën e masave të sigurisë ndaj protestës para GJKKO kur në ambientet e gjykatës po zhvillohej gjyqi për Veliaj.

“Akte të tilla që dastibilizojnë vendin në një moment zgjedhjesh janë të dënueshmë. Partia Demokratike deklaron se do të dërgojë për ndjekje penale, ministrin e brendshëm Ervin Hoxhaj, drejtorin e përgjithshëm të policisë dhe vetë Edi Ramën, për aktin e paprecedentë e të pashembullt që ka ndodhur dje, ku segmente të shtetit ngrihen me dhunë kundër segmenteve të tjera.

Nëse këta vazhdojnë të thërrasin protesta do të përballen me opozitën. Asnjë protestë nuk është thirrur nga opozita, ato kanë qenë e do të jenë konferenca shtypi dhe nuk është shkuar asnjëherë para gjykatës. Nuk mund të ndodhi kjo që ndodhi dje. I them Edi Ramës po vazhdove popullin do e kesh në Surrel! Mos destabilizo vendin”,-tha Berisha.

LEXONI GJITHASHTU:

• SPAK kërkesë policisë: Pse nuk u mor asnjë masë sigurie gjatë gjyqit ndaj Veliajt?
• Arrestimi i Veliajt, Ndreca: Dy prokurorë kanë tentuar të ndërhyjnë në zgjedhje