Berisha: Pa antimafian italiane, Saimir Tahiri do ishte më shumë se zv.kryeministër

Kryetari i Partisë Demokratike, Sali Berisha thotë se antimafia italiane ka dhënë një konribut të madh në luftën kundër krimit të organizuar në Itali dhe Shqipëri.

Gjatë fjalës së tij gjatë bashkëbisedimit virtual me shqiptarë në Romë, Berisha theksoi se po të mos ishte antimafia italiane, ish-ministri i Brendshëm, Saimir Tahiri do të ishte në pozitë më të lartë se zëvendës kryeministri.

“Italia, dua të shpreh mirënjohje, jep një kontribut të madh në luftën kundër krimit të organizuar në të dyja anët e Adriatikut. Antimafia italiane ka dhënë kontribute të jashtëzakonshme në  betejën kundër mafies shqiptare. Unë iu garantoj ju, se po të mos ishte antimafia italiane, Saimir skafisti do të ishte sot, mbi zëvendës kryeministër të paktën.

Por ne u jemi mirënjohës, sepse ata bënë një betejë të vendosur kundër organizatave kriminale, që dëmtojnë interesat e qytetarëve italianë dhe qytetarëve shqiptarë”, theksoi kryedemokrati.

Ish-Ministri i Brendshëm Saimir Tahiri është transferuar nga burgu i Fierit në atë të Lushnjës, një muaj më parë. Transferimi është kryer pas kërkesës së familjarëve të tij.

Tahiriqëndron në qeli që prej muajit shkurt kur u dënua nga apeli i GJKKO-së, me 3.4 vite burg për shpërdorim detyre.

LEXONI GJITHASHTU

• Financimet ruse për PD, Berisha njofton ngritjen e auditit për hetimin e Bashës
• Financimet ruse, Berisha: Basha më tha se ishin fonde nga diaspora, e besova