Berisha për 21 janarin: Nuk ikja nga Kryeministria dhe me çmimin e jetës sime

Kryetari i PD, Sali Berisha tha në emisionin Now në Euronews Albania se në 21 janar 2011 ka qenë në zyrën e tij në Kryeministri dhe nuk kishte ndërmend të lëvizte për asnjë arsye.

Berisha u shpreh se kur ka nisur protesta e opozitës nuk ka qenë aty, por ka shkuar në zyrë dhe nuk ka dalë, pasi siç theksoi është ‘njëri i detyrës’.

“Nëse më thotë mua kush pse ndenja në Kryeministri, unë aty do të rrija deri në minutën e fundit, nuk lëvizja unë nga vendi. Edhe me çmimin e jetës sime në radhë të parë, sepse unë nuk tradhtoja as postin, as flamurin, as detyrën. Unë nuk kam qenë aty dhe jam kthyer me vrap dhe ja futur brenda në zyrë. Atë e kam bërë unë, jam njeri i detyrës”, tha Berisha.

Më 11 shkurt, Sali Berisha ka thirrur protestën e katërt kombëtare që pasi u rikthye në drejtimin e Partisë Demokratike.

Thirrja e protestës u paralajmërua nga Berisha pak ditë më parë dhe ndërmerret si reagim ndaj çështjes së ish-agjentit të FBI, Charls Mcgonigal, ku në dosjen hetimore përmendet edhe kryeministri i Shqipërisë, Edi Rama.

Ndiqni emisionin e plotë duke klikuar këtu:

LEXONI GJITHASHTU:

• Berisha: Ju tregoj hetimet sekrete që janë hapur për Edi Ramën
• Berisha: Historitë me pullë të kuqe me ambasadorë dhe të dashura, i kam të filmuara