Pas votimit për ndryshimet në statut, Sali Berisha deklaroi për mediat se ky ishte Kuvendi i bashkimit.

Pyetur nga gazetari i Euronews Albania Ardit Hoxha nëse me 60% të deputetëve që mungonin ky ishte një Kuvend bashkimi, Berisha u shpreh se për diçka të tillë mund të garantonte.

“Sot në sallë ishin me qindra delegatë. Aty në atë listë ka dhjetëra e dhjetëra të propozuar për anëtarë të Këshillit Kombëtarë,” – tha ish-kryeministri.

Berisha deklaroi se fokusi i tij ka qenë bashkimi i bazës dhe sipas tij të gjithë janë dëshmitarë se sa e bashkuar është sot Partia Demokratike.

“Një pjesë e mirë ishin, të tjerë nuk ishin. Ky tren nuk ndalet. Është treni shpëtimtar i Shqipërisë. Nuk ka kohë që të ndalet. Kush do që ti bashkohet është i mirëpritur. Ata që duan të përqëndrohen në zgjedhjet e tyre, unë e respektoj,” – deklaroi ish-kryeministri.

LEXONI GJITHASHTU:

• Berisha: Partia Demokratike rilindi në Kuvendin e 11 Dhjetorit
• Berisha për shpalljen non grata: Shpifjen nuk e pranoj për të vërtetë