Ish-kryeministri Sali Berisha ka folur në Kuvendin Kombëtar të Partisë Demokratike për shpalljen e tij ‘non grata’ nga Departamenti amerikan i Shtetit.
Berisha u shpreh se është sanksionuar nga lobimi korruptiv i miliarderit Xhorxh Soros dhe kryeministrit Edi Rama, teksa shtoi se shpifjen dhe gënjeshtrën nuk mund ta pranojë për të vërtetë.
“Unë jam sanksionuar nga Dapartamenti amerikan i Shtetit me akuza për të cilat në mënyrë absolute nuk ekziston asnjë fakt, provë ose dokument. Jam sanksionuar nga lobimi korruptiv i Xhorxh Sorosit dhe Edi Ramës. Cilido që do të paraqesë një provë më të vogël kundër Sali Berishës, ai është i gatshëm të marrë çdo masë ndaj vetes së tij. Unë jam Sali Berisha, kurrë shpifjen apo gënjeshtrën nuk e pranoj për të vërtetë” tha ai.
Berisha nënvizoi se për shkak të këtyre ndërhyrjeve, Partia Demokratike është përfshirë në një konflikt të brendshëm, por tha se ky Kuvend hap kapitullin e përballjes me qeverinë e drejtuar nga Edi Rama.
LEXONI GJITHASHTU
- Berisha: Partia Demokratike rilindi në Kuvendin e 11 Dhjetorit
- Rezoluta e re e PD-së: Dënohet bojkoti dhe djegia e mandateve
- Kryetari i ri i PD-së do të zgjidhet më 22 maj
