Berisha pret në seli deputetët konservatorë britanikë, zbardhen diskutimet

Kryetari i Partisë Demokratike, Sali Berisha, priti ditëën e enjte në selinë e PD, deputetët konservatorë britanikë, të cilët përfshinin Andreë Rosindell (Ministër Hije për Marrëdhëniet me Jashtë), Martin Vickers (Kryetar i Grupit Parlamentar të Miqësisë Shqipëri-Mbretëri e Bashkuar), Philippa Broom (Anëtare e Bordit të Grave Konservatore), dhe Pierre Plumeajau (Këshilltar).

Lajmi u bë publik këtë të premte nga zyra e shtypit të PD, ku u ndanë dhe foto nga takimi.

Partia Demokratike bën me dije se temat e diskutimit u përqendruan në vështirësitë e krijuara nga qeverisja e kryeministrit Edi Rama dhe ndikimet e politikës së ekstremit të majtë, si dhe ndikimi i George Soros në Shqipëri.

“Berisha theksoi domosdoshmërinë e një përmbysjeje të madhe politike, e cila do të çrrënjosë kalbëzimin e institucioneve.

Kryetari i PD gjithashtu informoi deputetët britanikë për përdorimin e drejtësisë si një mjet kundër kundërshtarëve politikë, shpopullimin dramatik të vendit dhe luftën e ashpër të qeverisë ndaj opozitës. Ai theksoi se programi i Partisë Demokratike për zgjedhjet e ardhshme do të jetë transformues për Shqipërinë.

Berisha e mirëpriti gjithashtu angazhimin e Partisë Konservatore britanike për të mbështetur PD në zgjedhjet e 11 Majit, duke u fokusuar në luftën kundër narkoshtetit dhe çrrënjosjen e tij. Ai theksoi rëndësinë e diasporës, përfshirë atë në Britaninë e Madhe, duke e cilësuar votën e tyre si kyçe për ndryshimin që Shqipëria ka nevojë”, thuhet në njoftimin e PD.

LEXONI GJITHASHTU:

• Takimet me mbështetës, Berisha nis për herë të parë daljet jashtë vendit
• “E gjithë Shqipëria zbret në Tiranë”- Berisha njofton protestën kombëtare të PD