Berisha: Rinia është e ardhmja e një shoqërie dhe një kombi, vajzat janë kurora

Ish-kryeministri Sali Berisha në fjalën që ka mbajtur nga Forumi Rinor i Partisë Demokratike është shprehur se rinia është e ardhmja e një shoqërie dhe një kombi.

Ai tha ndër të tjera se  testi i intelektit në 15 vitet e fundit del epror tek vajzat.

Sipas Berishës vajzat janë kurora e të ardhmes së kombit.

“E dyta që desha të them nga eksperienca ime.

Pedagog. Konstatoja se në 7 studentë të shkëlqyer, 6 ishin vajza. Mos e dhe më shumë. Konstatoja se në 7-8 diploma që drejtoja, 80-90 % e më të mirave ishin të vajzave. E prapë në atë kohë, në vitet ’70, përsëri ndjehej muri i patriarkisë. Në psikologjinë e përgjithshme ndjehej se ekzistonte një diferencë mes djemve dhe vajzave.

Por ka rreth 15 viteve të fundit, që testi i intelektit, del qartësisht epror tek vajzat. Ky test përsëritet çdo 5 vite, e të paktën 3 herë me radhë dhe tani nuk e komenton kush, se intelekti është më i madh tek vajzat se sa tek djemtë.

E mbyll këtë duke thënë se në rast se rinia është e ardhmja e një shoqërie dhe një kombi, vajzat janë kurora e kësaj të ardhme.

Ndaj dhe përbën një rëndësi të jashtëzakonshme që përkushtimi i tyre për vendin, Shqipërinë të vlerësohet në shkallë maksimale. Në mendjen e tyre, por edhe në inteligjencën e tyre emocionale e cila konvertohet në imagjinatë, intuitë dhe shumë gjëra të tjera të dobishme, qëndrojnë potenciale të mëdha, si për individin ashtu dhe për familjen dhe shoqërinë”- tha Berisha.

LEXONI GJITHASHTU: 

• Mësueset në Prizren qëllohen me njëra-tjetrën, njëra përfundon në spital
• Rama prezanton kandidatët në Jug: Do zgjidhni kë do merni në punë