Berisha takim me kryebashkiakun e zgjedhur të Kavajës, zbardhet biseda

Ish-kryeministri Sali Berisha priti në zyrë këtë të hënë kryebashkiakun e zgjedhur të Kavajës, Fisnik Qosjan. Përmes një postimi në facebook, Berisha, ka ndarë pamjet nga takimi, dhe shpreh mirënjohje për të gjithë mbështetësit e Kavajës që ia besuan drejtimin kandidatit të koalicionit “Bashkë Fitojmë”.

Berisha në reagimin e tij theksoi se qytetarët e Kavajës e shpëtuan qytetin për të dytën herë nga monizmi.

“Takim me Kryetarin e Bashkisë Kavajë, z. Fisnik Qosja.

Miq, sot prita në një takim kryetarin e ri të Bashkisë Kavajë, z. Fisnik Qosja. Në këtë takim shpreha mirënjohjen time të pakufishme për qytetarët, të cilët njëlloj si në vitet ‘90 e çliruan si të pamposhtur me datë 14 maj Kavajën nga monizimi i dytë.

Unë gjithashtu falenderova përzemërsisht kryetarin e ri të Bashkisë së Kavajës, degën e Partisë Demokratike dhe të gjithë ekipin e tij për suksesin shëndritës që arritën në këtë fushatë dhe i urova z. Qosja suksese në detyrën e tij të lartë dhe fisnike si qytetar i parë i Kavajës”, tha Berisha.

LEXONI GJITHASHTU:

• “Zgjedhjet u blenë”, Berisha: 100 mln euro u shpërndanë për asfalte e rindërtime
• Spahiu: Berisha s’mund të largohet, i duhet Ramës për të fituar mandatin e katërt
• A do të dorëhiqet pas humbjes në zgjedhjet lokale? Berisha: Do respektohet statuti