Berisha: Tjetër tren bullgar në Elbasan, gjithça realizohet me gjakftohtësi (VIDEO)

Kreu i Partisë Demokratike Sali Berisha bëri një tjetër denoncim publik për zgjedhjet e 11 majit që ai i që quan farsë elektorale.

Në një deklaratë për mediat nga selia blu, Berisha tregoi përmes pamjeve video një tjetër rast që sipas tij vërteton mekanizmin e manipulimit që quhet Tren Bullgar në Elbasan. Berisha u shpreh se gjithçka ka ndodhur si nëpër filma, me gjakftohtësi të madhe.

“Ju do shihni se si kriminelë elektoralë brenda qendrës elektorale realizojnë atë mekanizëm manipulimi që quhet Tren Bullgar, që i bën zgjedhjet tërësisht të pavlefshme, që kontrollon tërësisht vullnetin e qytetarëve. Këta janë një grup kriminal brenda qendrës së votimit, komisionerë të partisë së krimit.

Qendra e votimit është në një kafene, shikojeni…

Ja fleta e votimit…

Ja, merr vulën e vulos fletën e votimit. Si në filma, sikur ta kishin xhiruar.

Tani vjen me vulën e dytë këtu. E vulos.

Tani po fsheh krimin. E fut në banak poshtë fletën e votimit.

Me gjakftohtësi të paparë.

Është po ky… tani e nxjerr fletën e votimit, do e çojë në destinacion.

Shikojeni, ia dha tjetrit jashtë qendrës.

Edhe njëherë, aty po voton ai”, tregoi Berisha.

LEXONI GJITHASHTU:

• Sali Berisha paraqitet në SPAK pas kallëzimit të gjyqtares Irena Gjoka
• Berisha publikon videon ku pretendon se ndahen para për vota në zgjedhjet e 11 majit