Berisha: Urgjent debat për deklaratën e Ramës për Kosovën, ishte anti-shqiptare

Sali Berisha ka kërkuar urgjentisht që në seancën plenare të ketë debat me kreun e qeverisë Edi Rama për deklaratën e këtij të fundit për Kosovën, pas sulmit në Veri mëngjesin e 24  shtatorit.

Në fjalën e tij në Kuvend, Bersha dhe se deklarata e Ramës ishte anti-shqiptare duke thënë  se për territor  një polic derdhi gjak.

“Sot, kryefjala e parlamentit duhet të jetë, deklarata superskandaloze e Pashiqit shqiptar, se Kosova e veriut është toka e askujt.

Nuk ka deklaratë më antishqiptare, nuk ka deklaratë më të shpifur se kjo deklaratë.

Por po ju pyes unë ju: secili prej jush që jeni këtu, dhe çdo shqiptar, po përse e derdhi gjakun Afrim Bunjaku?

Ku u vra ai? U vra pikërisht në veri të Kosovës, në mënyrë që aty të sundojë rendi, ligji dhe rregulli.

Ku u zhvillua një betejë mes grupeve terroriste të nisura direkt nga Alekandër Vuçiçi, të kryesuara nga lejtnanti i tij Radoiçiç?

Se sa ishte ‘no mans land’ e provuan falangat serbe. Shqiptarët, Europa dhe bota e panë se si ia mbathën me të katërta, se ajo është toka e zotërve të saj.

A mundet një krim-ministër të bëjë një deklaratë të tillë në sintoni të plotë me padronin e tij, Aleksandër Vuçiç?

Dhe tani kërkojnë të mbulohet kjo me deklarata të turpshme këtu përpara.

Po Dostojevski thotë një fjalë: njeriu që kalon nga gënjeshtra në gënjeshtër, largohet nga homo-sapiens, nga specia e tij.

Ndaj këtu debati duhet ët fillojë me urgjencë për këtë deklaratë që nuk e bën jo vetëm Aleksandër Vuçiçi, por e bën edhe pengu i tij, e bën argati i tij, që quhet Edi Rama.

A e dini çfarë tha Alistair Campbell, miku i tij, për këtë deklaratë: e ka hipnotizuar Vuçiçi”-tha Berisha.

LEXONI GJITHASHTU: 

• “Numëro sa kulla ke”-Përplasen Basha dhe Bardhi: Po bën luftë të ndyrë personale
• Rexhepi: Mos të jepet statusi i të penduarit kollaj, çdo të ndodh me Artan Tafanin