Rexhepi: Mos të jepet statusi i të penduarit kollaj, çdo të ndodh me Artan Tafanin

Artan Rexhepi, ekspert i kriminalistikës, komentoi së fundmi operacionet e zhvilluara në vendin tonë, pasi i penduari i drejtësisë Artan Tafani, çoi në zbardhjen e disa vrasjeve.

I ftuar në emisionin “Good Morning Albanians” në Euronews Albania, ai theksoi se dyshon se Nuredin Dumani, nuk i ka treguar të gjitha duke shtuar se është skeptik në dhënien e statusit e të penduarit të drejtësisë.

Referuar Tafanit, ai nënvizoi se sapo të dalë nga burgu, mund ta vrasin pasi ka 10-15 histori.

“Nuk e di nëse Dumani i ka treguar të gjitha.  Te mega-operacioni “Metamorfoza” kanë dalë detaje të tjera, dhe kjo shtron dhe pyetjen se sa i sinqertë ka qenë Dumani. Gjithmonë kam qenë i rezervuar që të mos jepet shumë kollaj statusi I të penduarit të drejtësisë. Si mund të dalë ai me statusin e të penduarit kur ka vrarë 10-15 veta, dhe unë ju garantoj që ditën që do të dali nuk e bën javën sepse i ka nja 15 hasmëri. Në këtë kuadër statusi I të penduarit duhet parë dhe nuk duhet dhënë shumë kollaj”-tha ai.

LEXONI GJITHASHTU: 

• Video| 104-vjeçarja hidhet me parashutë, thyen rekordin Guinness
• 21-vjeçarja amerikane dënohet me 1 vit burg pse preku krahun e një oficeri sigurie