“Berluskoni, i paaftë për të urryer”, ish-ambasadori: E respektonin të gjithë…

Ish-ambasadori i Italisë Paolo Foresti tha në një intervistë për Euronews Albania se me largimin e Silvio Berluskonit nga jeta, Italia ka humbur një njeri të madh.

Ai tha se Berluskoni pëlqehej shumë në arendën ndërkombëtare pasi ai ishte një njeri që dinte të përshtatej me të gjithë por edhe për faktin se ai ishte një njeri që  nuk dinte të urrente e të mbante mëri. Ishin këto arsyet sipas ish-ambasadorit Foresti që e bënin Berluskonin të respektohej nga të gjithë.

“Aftësia për t’u përshtatur me të tjerët ishte të nja nga prirjet e tij më të mëdha. Këtë nuk e bënte vetëm me homologët e huaj, vetëm me miqtë e tij, ajo ishte një karakteristikë unike e tij, e thellë dhe natyrale.

Gjëja që kam vlerësuar gjithnjë te ai ishte, se ai nuk mbante kurrë mëri. Ishte një njeri i paaftë për të urryer dhe kush nuk urren e do tjetrin dhe meriton respektin e tjetrit. Ky ishte elementi që e bënte të vlerësohej në fushën ndërkombëtare.

Gjithashtu edhe fantazia e tij, vullneti i tij për të arritur aty ku të tjerët nuk arrinin si dhe guximi i tij bënë që ai të realizonte shumë nga projektet e tij. Mund të ketë dështuar ndonjëherë, por kush është ai që nuk ka dështuar kurrë? Ne jemi njerëz”,-tha në një intervistë për Euronews Albania ish-ambasadori Paolo Foresti.

LEXONI GJTIHASHTU:

• Çfarë nuk më pëlqente te Berlusconi, flet ish-ambasadori i Italisë në Shqipëri
• Rrëmbimi i policëve në veri, Rama: Nuk po heshtim, po presim KFOR-in