Besimtarët myslimanë në Gjirokastër kanë festuar ditën e Fitër Bajramit. Mëngjesin e sotëm në mjediset e Pallatit të Sportit u zhvillua ceremonia religjioze e kësaj dite të shenjtë për besimin islam. Faljen e namazit e ka drejtuar myftiu i Gjirokastrës, Aorel Senja.
Besimtarët janë lutur për më shumë paqe dhe harmoni mes njerëzve.
“Gëzuar Fitër Bajramin, lus Zotin e gjithësisë që tja ketë pranuar adhurimet, agjërimin dhe përkushtimin tuaj gjatë muajit të begatë, kjo është një ditë feste, një ditë gëzimi brenda familjeve tona, brenda komuniteteve tona duke ndarë këtë gëzim me familjen tonë, me prindërit tanë me të afërmit tanë dhe me gjithë shoqërinë”, tha myftiu i Gjirokastrës.
Më pas për besimtarët janë shpërndarë ëmbëlsirat e festës
Pjesë e festimeve të Ditës së Fitër Bajramit në Gjirokastër ishte edhe pritja e organizuar nga myftinia si dhe vizitat e besimtarëve në familjet e njeri-tjetrit.
