Në zgjedhjet presidenciale në Mal të Zi  të cilat do të mbahen me 2 prill konkurojnë  dy kandidatë me profil të ndryshëm politik, njëri me përvojë politike 34 vjeçare, ndërsa tjetri nga një parti jo parlamentare.

Gjukanoviç hyn në garën presidenciale nga pozita e kreut të shtetit dhe liderit të opozitës PDS (Partia Demokratike e Socialistëve), e cila humbi pushtetin në zgjedhjet e vitit 2020. Ai tashmë ka mbajtur postin e presidentit të Malit të Zi për dy mandate. Madje, ka qenë edhe kryeministër i Malit të Zi gjashtë herë.

Në moshën 29-vjeçare, ai u zgjodh kryeministër për herë të parë në vitin 1991. Nga pozita e kryeministrit ai udhëhoqi lëvizjen për pavarësinë e Malit të Zi, e cila u rinovua në vitin 2006. Të njëjtin pozicion e mbajti në vitin 2010 kur Mali i Zi filloi procesin e anëtarësimit në Bashkimin Evropian (BE) dhe në vitin 2017 kur u anëtarësua në NATO.

Perballë tij është Jakov Milatoviç  një nga liderët e Lëvizjes “Evropa Tani”, një parti joparlamentare,. Milatoviç ishte ministër teknin i ekonomisë në qeverinë e Zdravko.

Në bazë të programit te tij rritën pagat, minimalen nga 222 në 450 euro ndërsa mesataren nga 530 në 670 euro. Këto lëvizje u sollën atyre popullaritet mes qytetarëve ndërsa ekonomistët paralajmëruan se ky program i shkakton dëme arkës së shtetit dhe mund ta çonte Malin e Zi drejt “skenarit grek”.

Por ka nga ata që e shohin me skepicizëm Jakov Milatoviçin. Danilo Kaleziç, bashkëpunëtor në Universitetin e Malit të Zi thote se Milatoviç merr mbështetje nga strukturat politike pro-serbe në Mal të Zi.

“Kur është fjala për kandidatin Milatoviç, bëhet fjalë ekskluzivisht për kandidatin rezervë të Aleksandër Vuçiçit, pra një njeri i krijuar politikisht në laboratorin e Kishës Ortodokse Serbe dhe në shërbimet e inteligjencës së Rusisë dhe Serbisë dhe që si i tillë është një kurth për votuesit malazezë të cilët duhet të besojnë se të rinjtë dhe arsimi në Evropës Perëndimore garantojnë përparimin. Në këtë rast, është krejt e kundërta, sepse njeriu në një farë mënyre mishëron një ideologji konservatore ultra të djathtë, e maskuar nga populizmi i lirë”, thotë Kaleziç.

Një gjë tjetër, shton Kaleziç, ilustron qartë se çfarë lloj kandidati është dhe çfarë lloj idesh politike promovon në të vërtetë dhe cila do të jetë axhenda e tij politike.

LEXONI GJITHASHTU

• Gjukanoviç: Serbia, ‘kopje’ e Rusisë në rajon, kërkon të sundojë disa vende
• Petkoviç: Kosova s’ka ndërmend ta formojë Asociacionin, mashtron sërish Brukselin