Betohen 10 prokurorë të rinj, Soreca: Përfaqësoni sistemin e ri

Sistemit të drejtësisë i janë shtuar 10 prokurorë të rinj të cilët janë betuar sot. Sipas magjistratëve ata do të udhëhiqen nga ligji për të ndryshuar perceptimin e qytetarëve për sistemin e drejtësisë.

Mbështetjen e parë e morën nga ambasadori i Bashkimit Evropian në Tiranë, Luigi Soreca, i cili tha se ata përfaqësojnë sistemin e ri të drejtësisë.

Xhoana Mehmetaj do të ushtrojë  detyrën në Dibër dhe e cilëson moment mjaft të rëndësishëm për të.

Gezim Spahiu i emëruar prokuror në Shkodër i vetëdijshëm për situatën ku ndodhet sistemi drejtësisë thotë se do të udhëhiqet nga ligji për të ndryshuar perceptimin e qytetarëve.

Për kryetarin e Këshillit të Lartë të Prokurorisë ky vit do të jetë ai i ndryshimeve të mëdha dhe kjo pritet nga prokurorët e rinj.