BF nis festën në Kavajë/ Qosja: Faleminderit nga zemra, thyet regjimin komunist

Kandidati i Bashkë Fitojmë Fisnik Qosja ka marrë 377 vota më shumë se kandidati i PS, Redjan Krali ndërsa kanë mbetur edhe shumë pak vota për t’u numëruar.

Menjëherë në Kavajë kanë nisur festimet, ndërsa Qosja ka dhënë edhe një deklaratë për mediat. Ai tha se do u shërbejë të gjithë qytetarëve pasi Kavaja tregoi se edhe kur diktatura duket e pamposhtur, kavajsit kanë treguar se janë të vendosur.

“Falemnderit me zemër gjithë Kavajës. Me thënë të drejtën unë ndihem krenar të jem kryetar I Kavajës. U jam mirënjohës përulësisht dhe do u shërbejë të gjithë qytetarëve të kavajës. Do u shërbejë me përulësi të gjithë qytetarëve të Kavajës.

Të gjithë njerëzve të mrekullueshëm, anti-komunist, anti-diktatutë, këta njerëz treguan se edhe kur diktatura nuk thyet në Kavajë thyhet diktatura, thyhet regjimi dhe fiton demokracia dhe e ardhmja e Kavajës”, -tha Fisnik Qosja.

LEXONI GJITHASHTU:

• Tensione në qendrën e numërimit në Kurbin, KQZ dërgon një inspektor
• Shpallet rezultati final i raundit të parë të zgjedhjeve në Turqi