Bilall Kasami refuzoi ftesën e Ramës, Ali Ahmeti: Tregoi papjekuri politike

Kryetari i Partisë Bashkimi Demokratik për Integrim, Ali Ahmeti e cilësoi një papjekuri politike, refuzimin që kreu i Lëvizjes Besa, Bilall Kasami i bëri ftesës së kryeministrit Edi Rama, i ciloi ftoi për darkë liderët politikë shqiptarë në RMV.

Në një deklaratë për mediat pas takimit, Ahmeti u shpreh se askush nuk duhet t’i shmanget takimeve të tilla.

“Nuk kanë bërë mirë, kanë bërë papjekuri politike. Nuk duhet t’iu shmanget takimeve të tilla, qofshin në Tiranë, qofshin ato në Shkup. Është mirë, që së paku njerëzit të na shohin së bashku, për të koordinuar ato punë, të cilat priten nga qytetarët që ne duhet t’i bëjmë”, theksoi ai..

Në një intervistë për Euronews Albania, Bilall Kasami u shpreh se darka e thirrur nga Rama i shërben vetëm interesave të BDI-së, e cila tashmë ndodhet në një krizë të brendshme, me funksionarë të lartë të partisë që kanë dalë kundër ekzekutivit.

LEXONI GJITHASHTU

• Ali Ahmeti pas takimit me Ramën: Diskutuam për anëtarësimin në BE
• ‘Vëllazëri shqiptare’, Rama ndan foto nga darka me liderët shqiptarë të RMV-së
• Refuzoi darkën e Ramës, kreu i Lëvizjes Besa zbulon arsyet