Biologia: Plastika ka hyrë në gjithë zinxhirin ushqimor, ja si merret nga njerëzit

Biologia Aurora Piroviq është shprehur se mbetjet plastike kanë hyrë në gjithë zinxhirin ushqimor në Shqipëri.

Në emisionin “Good Morning Albanians” në Euronews, Piroviq ka thënë se ndotjet e plastikës përmes përhapjes në ambient, kanë përfunduar te kafshët dhe më pas edhe te njerëzit, që konsumojnë mishin e këtyre kafshëve.

Ajo tha gjithashtu se duhet shumë kujdes që të shmanget ndotja e mjedisit nga mbetjet plastike, pasi kjo ndikon direkt në jetën e njerëzve.

“Në Shqipëri është lumi Ishëm ndër më të ndoturit. Edhe vetë Shkumbini është i ndotur. Në liqenin e Komanit ke tonelata plastikë. Shqipëra ka ndotje të konsiderueshme të plastikës.

Edhe liqeni i Shkodrës nga Përroi i Thatë dhe lumenjtë që shkarkohen atje, sjellin ndotje plastike. Mungesa e infrastrukturës në fshatra bëjnë që ti hedhin mbetjet direkt në lumenj.

Nuk është vetëm ndotja plastike por edhe ajo kimike. Gjithçka që përfundon në ekosistemin ujor, por edhe pyjor, e gjithë fauna është e ndotur me plastikë, por edhe ne njerëzit.

Ne e marrim nga uji, nga higjena, etj. I gjithë zinxhiri ushqimor është i prekur. Kjo ndikon edhe në shëndetin e specieve ujore, por edhe te njerëzit që konsumojmë peshkun, apo mishin e shpendëve, apo kafshët që preferohen në gjueti”, tha Piroviç.

LEXONI GJITHASHTU:

• “Po krijohet “mal Dajti” me qese plastike”-Sazan Guri: Jemi ndotësit më të mëdhenj
• E fshehur në bidona plastikë, kapet sasi e madhe droge në Greqi. Kaloi nga Shqipëria